८ वर्षमा पहिलो पटक बोल्न पाउँदा...
Posted by
purwanews
Published on
Monday, November 7, 2011
जिब्रोको शल्यक्रियापछि आठ वर्षीया विनिता दनुवारले शनिबार पहिलो पटक बोल्न सफल भएको देख्दा बाबु श्रीकुमारले खुसीको आँशु झारे ।
मोरङको शनिश्चरेबाट उपचारमा ल्याइएकी विनिताले शल्यक्रियापछि बुवालाई बोलाएकी थिइन् । जन्मजात जिब्रोको तल्लो भाग मुखभित्र टाँसिएर बोल्न नसकेकी उनी सदरमुकाममा अमेरीकास्थित अल्वा हवाई मिसनको सहयोगमा सञ्चालित निःशुल्क शल्यक्रिया शिविरमा आएकी थिइन् ।
'पहिलो वाक्य नै बाबा भनेर बोलाई,' गदगद हुँदै श्रीकुमारले भने, 'मुखको घाउको पर्वाह नगरी बोलेको सुन्दा म यति दंग भए कि, थाहै पाइन, खुसीले आँसु खसालेछु ।'
शल्यक्रिया गरी उनको छालामा टाँसिएको जिब्रो छुट्याइएको चिकित्सकले बताए । बोलेको नबुझिने हुँदा यसअघि उनलाई सुस्त श्रवण विद्यालयमा समेत भर्ना गरिएको थियो । कान राम्ररी सुन्न सक्ने बालिकाको जिब्राको अघिल्लो भाग छालामा टाँसिएको गत वर्ष मात्र उनका अभिभावकले थाहा पाएको थिए । आर्थिक विपन्नताका कारण उपचार गराउन नसकेका दनुवार दम्पतीले छोरीको यस्तो जीवन आउला भन्ने कल्पनै गरेका थिएनन् ।
एक कक्षामा पढ्ने विनिता विद्यालयमा समेत मौन मात्र पढ्थिन् । धनकुटा अस्पतालमा आराम गरिरहेकी उनले त्यहाँ पुगेका सञ्चारकर्मीसंग 'पापा खाने' भनिन् । यसअघि उनी खानेकुरा राम्ररी चपाउनसमेत सक्दिनन् थिइन् । जाउलो र तलर पदार्थ मात्र खान्थिन् ।
शिविरमा उनी जस्तै कयौं बालबालिकाले जटिल रोगबाट मुक्ती पाएका छन् । तेलिया-८ का अढाई वर्षका रुपेश अधिकारी, सान्ने ३ का ३३ महिनाका पवन गौतम, छिन्ताङ ५ का चार वर्षीय नितेश राई, कुरुले तेनुपा २ का ११ वर्षीय मिलन लिम्बूलगायत बालबालिकाको पनि विभिन्न शल्यक्रिया गरिएको चिकित्सक सुमन अर्यालले जानकारी दिए । दस दिने शिविरको मध्यसम्ममा १ सय ७० को साना ठूला शल्यक्रिया गरिएको छ ।
२०६८ कार्तिक २०, ekantipur
२०६८ कार्तिक २०, ekantipur
प्रतिक्रिया दिनुहोस् >>
.JPG)
.jpg)
