३५ वर्षीय डरेन साल्टमासले ती युवतीको अपहरण गरेको प्रारम्भिक अनुसन्धानमा खुलेको छ। प्रहरीले २९ वर्षीय गुरुङ थरकी नेपाली युवतीलाई पाकेह्याममा रहेको अपहरणकारीको घरबाट मुक्त गरेको थियो।

प्रहरीका अनुसार उनीहरुबीच सामाजिक सञ्जालमार्फत् चिनजान भएपछि गत मंगलबार पहिलोपटक युवती डेटिङमा गएकी थिइन्। अपहराण्कारीले युवतीलाई आफ्नै कारमा राखेर घरमा पुर्‍यापछि बन्धक बनाएर २० हजार अस्ट्रेलियन डलर फिरौती माग्दै नदिए हत्याको धम्की दिएको थियो।
मेलबर्नबाट प्रकाशित हुने हेराल्ड सन् दैनिकका अनुसार २० हजार डलरका लागि अपहरणकारीले युवतीको पोखरामा रहेका आफन्तलाई फोन गरेर धम्की दिएको थियो। युवतीका नेपालमा रहेका आफन्तले मेलबर्नमा रहेको महावाणिज्यदूतको कार्यालयलाई खबर गरेपछि अष्ट्रेलीयन प्रहरीले घटनाबारे जानकारी पाएको थियो।

अपहरमुक्त भएपछि स्थानीयवासीले अस्पतालमा भर्ना गरेका थिए। वाणिज्यदूत चन्द्र योञ्जनका अनुसार अहिले उनी खतरामुक्त छिन्।