नेपाली सिनेमाका कलाकाहरुलाई पनि होलीले छोइसकेको छ । कलाकारहरु आ-आफ्नै तरीकाबाट होली मनाउने योजनामा छन् । कोही बिभिन्न कार्यक्रममा होली खेल्न जाने तयारीमा छन् भने कोही भने नखेल्ने मूडमा छन् ।
नायिका रेखा थापा यसपालीको होलीलाई आफ्नो चलचित्र रावणको प्रमोशनमा लगाउने सोचमा छिन् । होलीको दिन बिभिन्न संचारमाध्ममा पुगेर होली खेल्ने र रावण चलचित्रको गीत गाउने योजनामा छिन् उनी ।
चलचित्रको प्रमोशनमा भएकाले नायिका बिनिता बराल होली खासै जमेर खेल्न नसक्ने अवस्थमा छिन् । हल्का ज्वरो आएकाले खासै होली नखेल्ने उनले बताईन् । ‘चलचित्रको प्रमोशन चलिरहेको छ, कतै बिरामी भईयो भने फेरि प्रमोशन गर्न पाईदैन’ उनले भनिन् । नायिका बेनिशा हमाल पनि यसपालीको होली बिन्दास ढंगले मनाउने सोचमा छिन् । ‘साथी भाइसँगसँगै बिभिन्न ठाउँबाट निमन्त्रणा आईरहेको छ, सायद केही ठाउँमा पुग्छु होला’ उनले भनिन् । ‘आखीर वर्ष दिनमा एक पटक आउने पर्व नमनाउने त कुरा नै छैन नि’ उनले भनिन् ।
नायिका निता ढुंगाना भने यसपटक होली मनाउन नसक्ने भएकी छिन् । एक कार्यक्रमबाट र्फकदै गर्दा उनी मोटरसाईकल दुर्घटनामा परेकी थिईन् । मोटरसाईकल दुर्घटनामा परेपछि उनको अनुहारमा चोट लागेको छ, जसका कारणले उनी होली खेल्न नसक्ने भएकी हुन् । नायिका सुमिना घिमिरे पनि होलीको दिनमा बाहिर निस्कन डर मानिरहेकी छिन् । ‘बिभिन्न कार्यक्रमबाट त निम्तो आएको छ नै, तर बाहिर हिँड्दा बीच बाटोमै समातेर रङ दले भने के गर्ने ?’ उनले भनिन् । तर पनि केही ठाउँमा गएर सिनेमाका साथीहरु होली खेल्ने सोचमा छिन् उनी ।
नायिका जिया के.सी.लाई पनि होली खेल्न खुबै रहर लाग्दो रहेछ । ‘नेपाली सिनेमाको नायिका भएपछि होली खेल्न बिभिन्न ठाउँबाट निमन्त्रणा आउँछ, सवै ठाउँमा खेल्दा खेल्दै होलीको दिन बितिहाल्छ’ उनले भनिन् । अघिल्ला वर्षहरु जस्तै यसपटक पनि उनी बिभिन्न ठाउँमा होली खेल्न पुग्ने योजनामा छिन् ।
यसरी नेपाली सिनेमाका नायिकाहरु होलीलाई उल्लासमय तवरबाट मनाउने सोचमा छन् । आखिर वर्षमा एक दिन आउने पर्व हो, नमनाउने त कुरा नै भएन हैन र ? onlinekhabar