नब्बे बिहे गर्दा पनि पुगेन्
Posted by
purwanews
Published on
Friday, September 2, 2011
'बाह्र छोरा तेह्र नाति बूढाको धोक्रो काधैँमाथि भन्ने नेपाली उखान चरितार्थ गरेका छन् सत्तरी वर्षे नाइजेरियन बेलो मसाबाले । नब्बे बिहे गरिसकेका मसाबा अझै थप दस बिहे गर्न चाहन्छन् । उनी यत्तिका बिहे गर्नुको करामत अल्लाह (भगवान्) भएको बताउँछन् । भगवान्कै निर्देशनमा सबै बिहे जुरेको उनको दाबी छ ।'म कहिले पनि महिलाको पछि लागिनँ, उनीहरूले नै मेरो पिछा गर्छन्, जब उनीहरू आएर म तिम्रो पत्नी हुन चाहन्छु भन्छन् अनि राजीखुसीमा बिहे गरिहाल्छु ।'-उनी भन्छन् ।
परिवार नियोजनका साधनका प्रयोग गर्नुलाई पनि उनी भगवान्को इच्छाविपरीत ठान्छन् । मसाबा भन्छन् 'अल्लाहको इच्छाविपरीत जान मन मान्दैन ।' उनका दुई सय सन्तानमध्ये ५५ को मृत्यु भइसकेको छ ।
तीन, पाँच र चौबीसौँ नम्बर श्रीमतीको उनलाई एकदम माया लाग्छ । किन ? उनीहरू जहाँ पनि बेलोको प्रशंसा गर्छन् । उनको मान्यता छ, 'इमानी पुरुषले जति नै बिहे गर्दा पनि फरक पर्दैन ।'
यतिका श्रीमती भए पनि कोही कसैसँग इष्र्या राख्दैनन् । तर, दुर्भाग्य उनकी दोस्री श्रीमतीको टकरावले एघारौँलाई तलाक दिनुपरेको थियो । यसबारे उनको भनाइ छ, 'उनले केही कुरा नमानेपछि फिर्ता पठाए ।' nayapatrika
प्रतिक्रिया दिनुहोस् >>
