कलालय इटहरीले इटहरीका बालबालिकाहरुलाई समेटेर यो वर्ष पनि स्कुल थिएटर आयोजना गर्ने भएको छ । 

विद्यार्थीहरुको क्षमता विकास गर्दै अध्ययनबाट बचेको समय सदुपयोग गर्न प्रोत्साहित गर्ने उद्देश्यले कार्यक्रमको आयोजन गर्न लागिएको हो । इटहरीका विभिन्न विद्यालयका पाँच दर्जन बालबालिकाको सहभागितामा स्कुल थिएटरको आयोजना हुने कलालय इटहरीका अध्यक्ष सोनु जयन्तीले बताए । 

स्कुल थिएटरमा बालिबालिकाहरुलाई अभिनय प्रशिक्षण दिने र बालबालिकाहरुले अभिनय गरेको नाटक मञ्चन गरीनेछ । पुरानो शैक्षिक सत्र सकिएको र नयाँ सत्र सुरु नभइसकेको खाली समयमा बालबालिकालाई सृजनशील बनाउन थिएटर उपयोगि हुने आयोजकको दावी छ । कलालयले अघिल्लो वर्ष समेत स्कुल थिएटर गरेको थियो ।