कोकको बोतलमा लेदो
Posted by
purwanews
Published on
Saturday, October 1, 2011
चिसो पेय पदार्थमा नाम कमाएको कोकाकोलाको यो बोतलमा हेर्नुहोस्, नखोलिएको बोतलमा अखाद्य वस्तु भेटिएको छ । गर्मीको समयमा सबैले स्वाद मानेर पिउने कोक लगायतका पेय पदार्थ समेत अखाद्य रहेको यो बोतलले पुष्टि गर्छ ।
यो कोकको बोतलमा प्रष्ट देखीने गरि कालो तथा सेतो लेदो पदार्थ रहेको छ । सुनसरीको धरानस्थित एक पसलमा भेटिएको यो कोकमा यस्तो लेदो तथा अखाद्य वस्तु भेटिएपछि मानव स्वास्थ्यमा कति ठूलो खेलवाड भइरहेको छ भन्ने छर्लङ्ग हुन्छ ।
प्रशासनले पछिल्लो समयमा खाद्यन्यमा मिसावट तथा मिति सकिएका खाद्य पदार्थको विक्रि भएको भन्दै अनुगमन तिव्र पारे पनि यस्ता बहुराष्ट्रिय कम्पनिका पेय पदार्थको अनुमगनमा चासो दिएको छैन । नक्कली मिति टाँस गरिएका ७४ हजार कार्टुन रियल जुसको गोदाममा सिल लगाइयो । बारामा कार्यालय रहेको रियल जुस प्रकरणमा त्यहाँका सिडियो र एसपीलाई समेत अनुसन्धानको दायरामा ल्याइएको थियो ।
विवादित रियल जुस स्वस्थकर रहेको भन्दै महानायक राजेश हमाललाई लिएर विज्ञापन बजाइयो, जसको कारण राजेश हमाल समेत विवादमा मुछिएका थिए ।
डाबरको उत्पादन विरुद्ध समाचार सम्प्रेषण गर्ने सञरमाध्यमलाई सके आर्थिक प्रलोभनमा पार्ने, नसके भारतीय दुतावासमार्फत् धम्कीयुक्त पत्र समेत पठाउने काम गरियो । बहुराष्ट्रिय कम्पनीको लापरबाहीका कारण यस्ता अखाद्य पलार्थ धमाधम बिक्री भइरँहदा समेत प्रशासन मौन बसेको छ ।
रियल जुस काण्डमा देखिएको भारतीय हस्तक्षेप र प्रशासनको लाचारीबाट पनि बहुराष्ट्रिय कम्पनिहरुले जनस्वास्थ्यमा झन् ठूलो लापरवाही गरेको प्रष्ट हुन्छ ।
असोज १४, purwanews, video by Shantosh Kafle
प्रतिक्रिया दिनुहोस् >>
