एमाओवादी उपाध्यक्ष डा बाबुराम भट्टराई प्रमुख अतिथि रहेको सभामा कक्षा ७ मा अध्ययन गर्ने राजन राई पुगे र बाबुराम भट्टराईसँग सोधे, ‘तपाइको पार्टी तिन चिरामा छ । यस्तो अवस्थामा पार्टी फुट्यो भने हाम्रो हालत के हुन्छ ?’ उनले आफ्ना शहीद पिताको सपना पुरा नभएको भन्दै चिन्ता समेत व्यक्त गरे ।
सुनसरीको हाँसपोसामा रहेको शहीद स्मृती विद्यालयको दोस्रो वार्षिकोत्सवका अवसरमा आयोजित कार्यक्रममा पुगेका भट्टराईलाई १३ वर्षिय ती शहीदका छोराले प्रश्न गर्दा सभाहल तालीले गुञ्जियो ।
एमाओवादी नेता बाबुराम भट्टराईले भने मन्तव्यका क्रममा पार्टी भित्र विभिन्न विचार धाराका नेताहरु हुने हुँदा पार्टी भित्रको विचारको अन्तरबाट आत्तीन नहुने बताए । उनले शहीदका सपना पुरा गर्ने दिशामा आफूहरु अघि बढीरहेको जनाउँदै शहीदको बलिदानी खेर नफाल्ने वचन समेत दिए ।