यसरी १ हजार जना नांगा मानिसलाई समुद्रमा चोपलिन लगाएर फोटो खिच्ने फोटोग्राफर हुन् , अमेरिकी फोटोग्राफर स्पेन्सर्स ट्यूनिक । ट्युनिकले यसअघि पनि स्विजरल्याण्डको हिमनदी देखि लिएर सिड्नीको ओपेरा हाउस सम्मका क्षेत्रमा विभिन्न मानिसका नग्न फोटा खिचिसकेका छन् । उनले इजरायलमा गरेको पछिल्लो कामप्रति भने त्यहाँका परम्परावादीहरुले विरोध जनाउँदै कानुनी कारवाहीका लागि अघि बढ्ने सम्मको धम्की दिएका छन् ।

तर फोटोग्राफर ट्युनिक भने वातावरण परिवर्तनका कारण संकटमा परेको मृतसागरको संरक्षणका लागि आफ्नो कामले चेतना जगाउने दाबी गरेका छन् ।

पृथ्वीको सबैभन्दा होचो भागको रुपमा रहेको मृत सागरमा पानीको मात्रा निकै घटिरहेको र यहीँ दरमा घटेमा सन् २०५० सम्म यो सागरको अस्तित्व नै समाप्त हुने विज्ञहरुले चेतावनी दिएका छन् ।