आफ्नै काकाको घर ध्वस्त पार्न विष्फोटनका सामाग्री ल्याउने सुनसरीको प्रकाशपुर ६ का एक युवालाई प्रहरीले बुधबार बेलुका सुनसरीको पकली प्रहरीले झुम्काबाट पक्राउ गरेको छ ।
मागेको ६ लाख रुपैया नपाएको झोँकमा काकाको घरमा विष्फोट गराउन भन्दै प्रकाशपुरका तिलक कार्कीले भारतको सिलाङबाट ल्याएको पाँच थान जिलेटिन र पाँच थान डेटोनेटरसहित कार्कीलाई पक्राउ गरिएको हो । आफ्नै ठूलाबाको छोराले बम किनेको सुराकी पाएपछि प्रहरीलाई खबर गरिदिएको काका बाबुराम कार्कीकी छोरी सरस्वती कार्कीले बताइन् ।