बुहारीको 'कन्यादान'
Posted by
purwanews
Published on
Wednesday, March 9, 2011
बुहारीको खुसीका लागि विवाह गराएको महेश्वरले बताए। 'ऊ एकान्तमा गुम्सिएर बस्दा हामीलाई पीडा हुन्थ्यो,' उनले थपे, 'सञ्जुलाई हामीले छोरी नै मानेर विवाह गरिदियौँ।'
महेश्वर कन्यादानपछि आँसु खसाल्दै सोमबार साँझ राजधानी फर्किए। आफ्ना सासू-ससुरा नभएकाले सञ्जु काका ससुरा र परिवारका अन्य सदस्यसँग विवाहका लागि सिमरा आएकी थिइन्।
एकल महिलालाई पत्नीको रूपमा पाएपछि बेहुला लामिछाने न्याउली बाजाको तालमा विवाह मण्डपमै कम्मर मर्काई-मर्काई नाचिदिए। घरगाउँले र जन्तीतले पनि ताली ठोकेर खुसी साटे। 'बाल्यकालदेखिकी साथीलाई जीवनसाथी बनाउन पाएँ,' लामिछानेले भने, 'उनलाई सुखसँग राख्नेछु।'
नयाँ जीवनसाथी पाएकोमा सञ्जु पनि खुसी थिइन्। 'आखिर जीवन त चल्छ नै,' उनले भनिन्, 'उहाँले मलाई स्विकार्नुभएकोमा खुसी छु।'
लामिछानेका पिता चन्द्रकान्तले तीनै पक्षको सहमतिमा विवाह तय भएको बताए। दोहोर्याएर छोरीको बिदाइ गर्दा सञ्जुका पिता हरिप्रसाद अर्यालका आँखा रसाए। उनले छोरी स्विकार्ने केटा पक्ष र पहिलेका ज्वाइँ पक्ष दुवै परिवारलाई धन्यवाद दिए।
विवाह गराउने पण्डित रामहरि सापकोटाले तीन दसक लामो कर्मकाण्ड अनुभवमा आफूले यस्तो विवाह कहिल्यै नगराएको सुनाए। 'यस्तो विवाह गराउन पाउँदा गर्व लागेको छ,' उनले भने।
(nagariknews)
प्रतिक्रिया दिनुहोस् >>
