अमेरिकाको इलिनोइसमा रहेको झण्डै ६ फिट अग्लो कुकुरले विश्वकै सबैभन्दा अग्लो पोथी कुकुरको रुपमा गिनिज बुकमा नाम लेखाएको छ । ‘सुपर नोभा’ नामको उक्त कुकुर ५ फिट ११ इन्च अग्लो रहेको समाचार छ । स्थानीय एन सप्लीले पालेको यो कुकुरको तौल झण्डै ७० किलो छ र यसले एक हप्तामा साढे १३ किलो खाना खाने गर्छ ।

कुकुरलाई विश्वकै सबैभन्दा अग्लो पोथी कुकुर बनाउन आफुले ठूलै मेहेनत गरेको भन्दै कुकुरकी मालिक्नी सप्लीले अहिले आफुलाई निकै रमाइलो लागेको बताउँछिन् । कुकुरले खरबुजा निकै मीठो मानेर खाने गरेको उनको भनाइ छ ।

कुकुर यति ठूलो भएपनि निकै डरछेरुवा छ । साना साना कुकुरहरु भुक्दा पनि सुपर नोभा निकै डराउँछ ।